23 DE ABRIL DÍA DO LIBRO: CONTACONTOS

Para conmemorar o día do Libro dramatizamos un conto precioso “A cociñeira do rei”, de Soledad Felloza, utilizando a técnica do kamishibai.

Foi unha experiencia moi positiva posto que todos colaboramos dalgunha maneira na posta en escena: repartimos os personaxes despois de facer un casting, acompañamos musicalmente o conto grazas o traballo do profe de Música, aportamos ideas para mellorar a actuación e ensaiamos moito, moitísmo para regalarlles ós nosos compañeiros de Primaria...

Un conto feito co corazón e…unhas pingas de ilusión.

                Biblomosteiro

AS FUNCIÓNS VITAIS DO SER HUMANO

A respiración

A nutrición

A excreción

A reprodución

A circulación

EXPERIMENTANDO

No noso centro temos a gran sorte de contar cun laboratorio moi ben dotado e uns compañeiros e compañeiras da ESO que sempre están dispostos a botarnos unha man cos experimentos.

Desta forma tan científica aprendemos un montón de cousas sobre a materia, as súas propiedades, as misturas homoxéneas e heteroxéneas, o magnetismo, a decantación...

Despois de cada experimento facíamos unha ficha para ir iniciándonos no pensamento científico, nas diferentes técnicas de laboratorio, no manexo dos instrumentos...

De maior quero ser... científico!

VISITA AO MUSEO E CIDADE MONUMENTAL DE PONTEVEDRA

Para rematar o Proxecto de Historia, decidimos visitar o Museo de Pontevedra. Alí vimos restos hitóricos e xoias moi antigas, do Paleolítico, do Neolítico, dos castrexos, dos romanos...

Tamén puidemos observar, a forma de vida, durante estes períodos históricos, a través de imaxes.

Despois fixemos un percorrido pola cidade monumental. A pesares de que nos choveu un pouco, visitamos a Valle-Inclán, percorremos as emblemáticas prazas da Ferreiría, a da Leña, a da Verdura... A guía contounos a historia do pirata Benito, a do loro Rabachol...
E un montón de anécdotas sobre a historia de Pontevedra.

Pasámolo moi ben!

UNHA VIAXE POLA HISTORIA

Foi un trimestre de moita investigación, traballo e coñecementos novos, pero ao mesmo tempo, vivimos unhas experiencias únicas: admiramos os bisontes prehistóricos da cova de Altamira, “paseamos” pola muralla romana de Lugo, fomos cabaleiros e damas da Idade Media, navegamos na Santa María con Colón alá polo 1492, rastreamos a historia da escritura, desexamos ser científicos como Copérnico, Newton e Galileo... e inventores como Watt, Edison e Marconi.

Queredes ver o resultado da nosa viaxe?